விறுவிறுப்பாக நடைபெற்ற ஈரோடு கிழக்கு இடைத்தேர்தல் வாக்குப்பதிவு நிறைவடைந்தது. மாலை 5 மணி வரை 71 சதவீதத்திற்கும் அதிகமான வாக்குப்பதிவாகியுள்ளது.
கடந்த 2016 சட்டமன்றத் தேர்தலில் 66 சதவீத வாக்கு பதிவான நிலையில் இம்முறை கூடுதல் வாக்குப்பதிவு. இடைத்தேர்தலில் பதிவான வாக்குகள் மார்ச் 2 ஆம் தேதி எண்ணப்படுகின்றன.
மாலை 6 மணி வரை வந்தவர்களுக்கு டோக்கன் விநியோகம் – வரிசையில் நின்று வாக்களிக்கின்றனர்.
3 மணி வாக்குப்பதிவு நிலவரம்:
ஆண்கள் – 65350
பெண்கள் – 69400
திருநங்கை/திருநம்பிகள் – 8
மொத்தம் – 134758
வாக்கு சதவீதம் – 59.22%
5 மணி நிலவரப்படி 70.58 % வாக்குப்பதிவு
6 மணிக்கு வாக்குப்பதிவு முடிவடைந்த நிலையில் பல வாக்குசாவடிகளில் வாக்காளர்கள் வரிசையில் அமர வைக்கப்பட்டுள்ளனர். தற்போதைய நிலவரப்படி வாக்குசதவீதம் 80 % யை தாண்டும் என எதிர்பார்க்கப்படுகிறது. கடந்த தேர்தலை விட இடைத்தேர்தலில் சுமார் 15 சதவீதத்திற்கும் மேலாக வாக்குவிகிதம் இருக்கும் என்பதால் இந்த வாக்குவிகிதம் திமுகவிற்கு உற்சாகத்தையும், அதிமுகவிற்கு பதட்டத்தையும் கொடுத்துள்ளது.