லெபனான் மீது தொடர் தாக்குதல் ……போர் நிறுத்தம் கிடையாது…. இஸ்ரேல் திட்டவட்டம்

இஸ்ரேல் மற்றும் ஹிஸ்புல்லா போராளிகள் உடனடியாக 21 நாள் போர் நிறுத்தத்தை அறிவிக்க வேண்டும் என்று அமெரிக்கா உள்ளிட்ட நட்பு நாடுகள் அழைப்பு விடுத்துள்ளன.

காசா போர் தற்போது லெபனான் நாட்டிலும்  பரவிவிட்டது. இஸ்ரேல் கடந்த சில நாட்களான விமானப்படை மூலம் நடத்தி வரும் வான்வெளி தாக்குதலில் இதுவரை லெபனானில்700க்கும் மேற்பட்டோர் பலியாகி விட்டனர். பதிலடியாக இஸ்ரேல் முக்கிய நகரங்களை குறிவைத்து லெபனானில் உள்ள ஹிஸ்புல்லா போராளிகள் ராக்கெட் தாக்குதலை நடத்தி வருகிறார்கள்.

இருதரப்பினரும் இந்த தற்காலிக அழைப்புக்கு பதில் அளிக்கும்படி கேட்டுக்கொள்கிறோம். இவ்வாறு அதில் கூறப்பட்டுள்ளது. இந்த கூட்டறிக்கையில் அமெரிக்கா, ஆஸ்திரேலியா, கனடா, ஐரோப்பிய ஒன்றியம், பிரான்ஸ், இங்கிலாந்து, ஜெர்மனி, இத்தாலி, ஜப்பான், சவுதி அரேபியா, ஐக்கிய அரபு எமிரேட்ஸ், கத்தார் ஆகிய நாடுகள் கையெழுத்திட்டுள்ளன. ஆனால் இந்த போர் நிறுத்த அழைப்பை இஸ்ரேல் ஏற்றுக்கொள்ளவில்லை.

இஸ்ரேல் நேற்று நடத்திய அதிரடி தாக்குதலில் பெய்ரூட் புறநகர் பகுதியில் உள்ள அடுக்குமாடி குடியிருப்பில் தங்கியிருந்த ஹிஸ்புல்லா இயக்கத்தின் டிரோன் கமாண்டர் பலியானார். அவரது பெயர் மொகமது உசைன் சூர்.  ஆனால் இந்த தகவலை ஹிஸ்புல்லா குழுவினர் உறுதிப்படுத்தவில்லை.

இஸ்ரேலின் வெளியுறவு அமைச்சர் இஸ்ரேல் காட்ஸ் கூறியதாவது:

பிரதமர் நெத்தன்யாகு அமெரிக்கா சென்றுள்ளார். போரில் வெற்றி வரும் வரை முழு பலத்துடன் இஸ்ரேல் போரிடும். எல்லையில் இஸ்ரேல் குடிமக்கள் தங்கள் வீடுகளில் இருந்து வெளியேற்றப்பட்டனர். லெபனானில் உள்ள ஹிஸ்புல்லா இலக்குகளை இஸ்ரேலிய ராணுவம் தொடர்ந்து தாக்கி வருகிறது’ என்று தெரிவித்தார்.