சூப்பர் ஸ்டார் ரஜினிகாந்தின் 171 வது படமான வேட்டையன் இன்று வெளியானது. ரஜினி ரசிகர்கள் கரூரில் பூசணிக்காய் உடைத்து பட்டாசுகள் வெடித்து கொண்டாடினர். ரஜினிகாந்த் நடித்துள்ள வேட்டையன் திரைப்படம் இன்று வெளியாகி உள்ளது. டி.ஜே.ஞானவேல் இயக்கியுளள இந்த திரைப்படம் ஒரு ஆக்ஷன் என்டர்டெய்னராக தயாராகியுள்ளது. இதில் ரஜினிகாந்துடன் அமிதாப் பச்சன், ராணா
டக்குபதி, பஹத் பாசில், மஞ்சு வாரியர், துஷாரா விஜயன், ரித்திகா சிங் உள்ளிட்ட பலர் நடித்துள்ளனர். அனிருத் ரவிச்சந்தர் இசையமைத்துள்ளார்.
கரூரில் உள்ள திண்ணப்பா,அமுதா, அஜந்தா என மூன்று திரையரங்குகளில் வேட்டையன் திரைப்படம் இன்று வெளியான நிலையில் ரசிகர்கள் உற்சாக கொண்டாட்டத்தில் ஈடுபட்டனர். படம் சிறப்பாக வந்துள்ளது இதனால் வரும் ஞாயிற்றுக்கிழமை வெண்ணைமலை பகுதியில் உள்ள அன்பாலயத்தில் ஆதரவற்றோர்களுக்கு ஒரு வேளை உணவு ரஜினி ரசிகர் மன்றம் மூலமாக வழங்க உள்ளதாக தெரிவித்தனர்.