நாகை மாவட்டம் வேதாரண்யம் அடுத்த ஆறுகாட்டுதுறையில் இருந்து கடந்த 11ம் தேதி மதியம் பைபர் படகில் கடலுக்கு மீன் பிடிக்கச் வேதையன் என்பவருக்கு சொந்தமான படகில் அவரும் அதே பகுதியை பரமசிவம், பன்னீர் ஆகிய மூன்று மீனவர்களும் சென்றனர். மீன் பிடிக்கச் சென்ற மூன்று மீனவர்களும் கரை திரும்பவில்லை. இதனால் ஆறுகாட்டுதுறை பகுதியில் மீனவர்கள்
வேலைநிறுத்தம் செய்து மீனவர்களை தேடும் பணியில் ஈடுபட்டனர். இந்நிலையில் படகில் இன்ஜினில் டீசல் தீர்ந்ததால் மீனவர்கள் கரை திரும்ப முடியாமல் நடுகடலில் தத்தளித்தளித்துள்ளனர். அவ்வழியாக மீன்பிடித்துக் கொண்டு வந்த மீனவர்கள் தத்தளித்த படகை மீட்டு கட்டி இழுத்து கொண்டு கரைக்கு பத்திரமாக அழைத்து வந்தனர்.