திருச்சி மாவட்டத்தில் ஆதிதிராவிடர் மாணவ மாணவிகளுக்கான விடுதி கட்டிடங்கள் கட்டுவதற்கான இடத்தினை தேர்வு செய்வதற்காக அமைச்சர் கயல்விழி செல்வராஜ் வருகை தந்தார்.
திருச்சி மாவட்டம், பஞ்சப்பூர் அடுத்துள்ள திருச்சி – மதுரை தேசிய நெடுஞ்சாலையில் அரசுக்கு சொந்தமான இடத்தை பார்வையிட்டார். அதனை தொடர்ந்து திருச்சி மாவட்ட ஆட்சியர் சாலையில் உள்ள ராஜா காலனியில் அமைந்துள்ள ஆதிதிராவிடர் மற்றும் பழங்குடியினருக்கான மாணவர்களின் விடுதியை நேரில் ஆய்வு மேற்கொண்டார்.
முன்னதாக செய்தியாளர்களை சந்தித்து பேசிய அமைச்சர் கயல்விழிசெல்வராஜ் கூறுகையில்:-
தமிழக முதல்வரின் அறிவுறுத்தலின்படி தொடர்ந்து பள்ளிகளையும் விடுதிகளையும் ஆய்வு மேற்கொண்டு வருகிறோம். தற்போது கல்லூரி மாணவ – மாணவிகளுக்கான விடுதிகள் அதிகமாக தேவைப்படுகிறது. நான்கு மாவட்டங்களில் இந்த நிதி ஆண்டில் 100 கோடி மதிப்பிலான விடுதிகள் கட்டப்படும் என அறிவித்திருந்தோம்.
மதுரை, கோவை, திருச்சி, நீலகிரி ஆகிய நான்கு மாவட்டங்களில் நான்கு மாவட்டங்களில் விரைவில் விடுதிகள் கட்டப்படும். ஏற்கனவே மூன்று மாவட்டங்களில் விடுதிகளை ஆய்வு செய்து விட்டோம்.
திருச்சி மாவட்டம் பஞ்சப்பூரில் 350 மாணவர்கள் தங்கும் வகையில் 19 கோடி மதிப்பீட்டில் கட்ட உள்ளோம். அதேபோல் ராஜா காலனியில் கல்லூரி மாணவர்களுக்கான விடுதியை 15 கோடி மதிப்பீட்டில் 250க்கு மேல் மாணவிகள் தங்கக் கூடிய வகையில் விடுதிகள் கட்டப்படும்.
விடுதி அமைய உள்ள இடங்களில் பாதுகாப்பு குறித்து அறிந்து கொள்ளவும் துறை சார்ந்த அதிகாரியுடன் இன்று ஆய்வு மேற்கொண்டேன் என தெரிவித்தார்.
மேலும், மாணவர்கள் உணவு தொடர்பாக நிதி துறையில் ஏற்கனவே பேசிக் கொண்டிருக்கிறோம். உணவுக்கான மெனு கொஞ்சம் மாற்றி அமைக்க உள்ளோம். நீண்ட வருடமாக ஒரே மாதிரி உணவு வழங்கப்பட்டு வருகிறது. இது தொடர்பாக அரசின் பரிசீலனையில் உள்ளது. வாசாத்தி வழக்கு தொடர்பாக எழுப்பிய கேள்விக்கு .. சில வழக்குகள் தாமதாவது நியாயம் கிடைப்பது என்பது தான் அரசின் நோக்கம். ஆனாலும் இது வரவேற்கத்தக்கது என தெரிவித்தார். ஆய்வின் போது துறை அதிகாரிகள் மற்றும் அலுவலர்கள் கலந்து கொண்டனர்.