உதயநிதி நடிப்பில் உருவாகியுள்ள ‘மாமன்னன்’ படத்தின் முதல் நாள் வசூல் குறித்த அப்டேட் என்று தகவல் வெளியாகியுள்ளது. அரசியல் குடும்பத்திலிருந்த வந்த உதயநிதி, தயாரிப்பாளராகவும், நடிகராகவும் கடந்த சில ஆண்டுகளாக கலக்கி வந்தார். தற்போது தீவிர அரசியலில் இறங்கியுள்ள அவர், கடைசியாக நடித்து முடித்துள்ள திரைப்படம் ‘மாமன்னன்’. ரெட் ஜெயண்ட் நிறுவனம் தயாரிப்பில் உருவாகியுள்ள இந்த படத்தை மாரி செல்வராஜ் இயக்கியுள்ளார்.
இந்த படத்தில் உதயநிதிக்கு தந்தையாக வடிவேலு நடித்துள்ளார். வழக்கமாக காமெடி வேடங்களில் மட்டுமே நடித்து வந்த வடிவேலு, இந்த படத்தில் வித்தியாசமான கதாபாத்திரத்தில் நடித்து அனைவரையும் கவர்ந்துள்ளார். இதுதவிர பகத் பாசில், கீர்த்தி சுரேஷ், பகத் பாசில் உள்ளிட்டோர் தங்களது கதாபாத்திரங்களில் கச்சிதமாக பொருந்தியுள்ளனர்.
சமூக நீதி குறித்தும், சமத்துவம் குறித்தும் இந்த படம் ஆழமாக பதிவு செய்துள்ளது. இப்படம் தமிழகம் முழுவதும் உள்ள 700 திரையரங்குகளில் வெளியானது. நல்ல விமர்சனங்களை பெற்று வரும் இந்த படத்தின் முதல் நாள் வசூல் குறித்த அப்டேட் வெளியாகியுள்ளது. அதன்படி இப்படம் உலக முழுவதும் 6 கோடி ரூபாய் வசூலித்துள்ளது. உதயநிதி கெரியரில் இல்லாத அளவாக இந்த வசூல் பார்க்கப்படுகிறது.