தமிழக துணை முதலமைச்சரும் திமுக இளைஞரணி செயலாளருமான உதயநிதி ஸ்டாலின் இன்று தஞ்சையில் நடைபெறும் பல்வேறு நிகழ்வுகளில் கலந்து கொள்வதற்காக நேற்றிரவு திருச்சி வந்தார். அவரது வருகையொட்டி திருச்சி-தஞ்சை ரோட்டில் உள்ள பழைய பால்பண்ணை ரவுண்டானா அருகில். திருச்சி தெற்கு மாவட்ட தி.மு.க.சார்பில் சிறப்பான வரவேற்பு அளிக்கப்பட்டது. பள்ளிக்கல்வித்துறை அமைச்சரும் மாவட்டக் செயலாளருமான அமைச்சர் அன்பில் மகேஸ் தலைமையில் மாநகரக் செயலாளர் மு.மதிவாணன் முன்னிலையில் அளிக்கப்பட்ட இந்த வரவேற்பு நிகழ்ச்சியில் தலைமை செயற்குழு உறுப்பினர்கள் சேகரன், சபியுல்லா மற்றும் மாநில மாவட்ட – மாநகர, நிர்வாகிகள் தலைமைச் செயற்குழு, பொதுக்குழு உறுப்பினர்கள் பகுதி, ஒன்றிய, நகர, பேரூர், வட்ட, வார்டு, கிளை கழகச் செயலாளர் – நிர்வாகிகள், மாவட்ட மாநகர அணிகளின் அமைப்பாளர்கள் மற்றும் துணை அமைப்பாளர்கள் உள்ளாட்சி அமைப்புகளின் பிரதிநிதிகள் பெரும் திரளாக தொண்டர்கள் கலந்து கொண்டனர்.
