விக்கிவாண்டி இடைத்தேர்தல் வரும் ஜூலை 10ம் தேதி நடக்கிறது. இதில் திமுக, பாமக, நாதக ஆகிய கட்சிகள் போட்டியிடுகிறது. இந்த நிலையில், நடிகர் விஜயின் தமிழ்நாடு வெற்றிக்கழகம் சார்பில் பொதுச்செயலாளர் புஸ்ஸி ஆனந்த் ஒரு அறிக்கை வெளியிட்டுள்ளார். அதில், விக்கிரவாண்டி இடைத்தேர்தலில் தவெக போட்டியிடவில்லை. அங்கு எந்த கட்சிக்கும் ஆதரவு அளிக்கவில்லை .2026 சட்டமன்ற தேர்தல் வரை எந்த தேர்தலிலும் தவெக போட்டியிடாது. 2026 சட்டமன்ற தேர்தலே இலக்கு. கட்சியின் கொள்கை, செயல்திட்டங்கள், முதல் மாநில மாநாட்டில் வெளியிடப்படும். மாநாட்டுக்கு பிறகு மக்கள் சந்திப்பு பயணம் தமிழ்நாடு முழுவதும் நடைபெறும்என்று கூறி உள்ளார்.
