திருச்சி மாவட்டம், திருவெறும்பூர் அருகே உள்ள திருநெடுங்களம் ஊராட்சிக்கு உட்பட்டது தேவராய நேரி நரிக்குறவர் காலனியில் புதிதாக கட்டப்பட்ட உள்ள ஸ்ரீ ஜெய் ஜெய் சங்கிலி கருப்பண்ண சுவாமி கோவில் நரிக்குறவர் மக்களின் வழிபாட்டு தெய்வமாக கட்டப்பட்டுள்ளது …
இந்த கோவிலின் கும்பாபிஷேக விழா காலை நடைபெற்றது. இந்த விழாவில் முன்னதாக கடந்த 8ம் தேதி காலை புனித நீர் எடுத்து வந்ததோடு மாலை அணுக்ஞை, விக்னேஸ்வர பூஜை, வாஸ்து சாந்தி, முதல் காலையாக கால
பூஜை நடைபெற்றது. இன்று காலை 2ம் கால யாகசாலை பூஜையும், 96 வகையான திரவிய ஹோமமும் நடந்தது.
அதன் பிறகு விமான கும்பாபிஷேகம் நடைபெற்றது. இந்த விழாவில் திரு நெடுங்கலம் தேவராய நேரி நரிக்குறவர் காலனி மற்றும் அதன் சுற்றுவட்ட பகுதிகளை சேர்ந்த ஏராளமான பொதுமக்கள் கலந்து கொண்டு சாமி தரிசனம் செய்தனர். அதனை தொடர்ந்துபக்கர்களுக்கு அன்னதானம் வழங்கப்பட்டது. இந்த கும்பாபிஷேக விழாவிற்கு திருநெடுங்களம் ஊராட்சி மன்ற தலைவர் ஸ்ரீநிதி சதீஷ்குமார் ஏற்பாடு செய்திருந்தார்.