திருச்சி, மண்ணச்சநல்லூர் எம் ஆர் பாளையம் சனமங்கலம் பகுதியை சேர்ந்தவர் ஆரோக்கியதாஸ் இவரது மகன் ஜேம்ஸ் ஜெபகரன் வயது (19) இவர் கள்ளிக்குடியில் உள்ள தனியார் கல்லூரியில் மூன்றாம் ஆண்டு படித்து வருகிறார்.
இவர் தனது தாய் தந்தையுடன் புழுதேரி அருகே உள்ள சித்தபட்டியில் வாடகை வீட்டில் குடும்பத்துடன் வசித்து வருகின்றனர். இந்நிலையில் வழக்கம் போல ஜேம்ஸ் ஜெபகரன் நேற்று கல்லூரிக்கு சென்று விட்டு அம்மாபேட்டை பஸ் நிறுத்தத்தில் இறங்கி வீட்டிற்கு திருச்சி- திண்டுக்கல் சாலையில் நடந்து சென்றுள்ளார்.
அப்போது மணப்பாறையில் இருந்து திருச்சி நோக்கி வந்த கார் அவர் மீது பயங்கரமாக மோதியது. இதில் தூக்கி வீசப்பட்ட ஜேம்ஸ் ஜெபகரன் சம்பவ இடத்திலேயே துடிதுடித்து பரிதாபமாக உயிரிழந்தார் தகவல் அறிந்து அங்கு வந்த இனாம்குளத்தூர் போலீசார் பிரேதத்தை கைப்பற்றி திருச்சி அரசு ஆஸ்பத்திரிக்கு பிரேத பரிசோதனைக்காக அனுப்பி வைத்தனர். மேலும் காரை ஓட்டி வந்த மணப்பாறை பெத்த மேட்டுப்பட்டியை சேர்ந்த பிரபாகரன்(48) என்பவரை கைது செய்து விசாரணை செய்து வருகின்றனர்.