திருச்சி தெற்கு மாவட்ட திமுக அலுவலகத்தில் தெற்கு மாவட்ட திமுக செயற்குழு கூட்டம் மாவட்ட அவைத் தலைவர் கோவிந்தராஜ் தலைமையில் மாவட்ட கழகச் செயலாளர் அமைச்சர் அன்பில் மகேஸ் பொய்யாமொழி முன்னிலையில் நடைபெற்றது.
கூட்டத்தில் மாநகரக் கழக செயலாளர் மதிவாணன் மாவட்டக் கழக நிர்வாகிகள் வண்ணை அரங்கநாதன் சேகரன் ,சபியுல்லா, செந்தில் மற்றும் செயற்குழு உறுப்பினர்கள்
கூட்டத்தில் கலந்து கொண்டனர் .
கூட்டத்தில் நிறைவேற்றப்பட்ட தீர்மானங்கள் வருமாறு:
நாற்பதுக்கு நாற்பது வென்ற தொடர் வெற்றி நாயகர் நம் கழகத் தலைவர் முதல்வர் அவர்களுக்கு பாராட்டு, நன்றியை தெரிவிப்பது.கழகமே உயிர்மூச்சென உழைக்கும் உடன்பிறப்புகள், திராவிட இயக்கக் கொள்கையாளர்கள், தன்னார்வலர்கள், தோழமை இயக்கத்தினர், அனைத்துத் தொகுதிகளிலும் வெற்றி பெற வாக்களித்த பொதுமக்கள் என அனைவருக்கும் இந்த மாவட்டக் கழகச் செயலாளர்கள் கூட்டம் தனது நெஞ்சார்ந்த நன்றியினை உரித்தாக்குகிறது.
தலைவர் கலைஞர் அவர்கள் உருவாக்கித் தந்த லட்சிய விழாவான முப்பெரும் விழா, இந்தப் பவள விழா ஆண்டில், தி.மு.கழகம் தொடங்கப்பட்ட சென்னையில் கழகத் தலைவர் – மாண்புமிகு தமிழ்நாடு முதலமைச்சர் அவர்களின் தலைமையில் எழுச்சி மிகுந்த விழாவாகக் கொண்டாடப்படும் என இந்த மாவட்டக் கழகச் செயலாளர்கள் கூட்டம் தீர்மானிக்கிறது.
தனது நீண்ட நெடிய அரசியல் அனுபவத்தினால், இந்திய ஜனநாயகத்தைக் காக்கின்ற தூணாகத் திகழ்ந்த நூற்றாண்டு நாயகராம் முத்தமிழறிஞர் கலைஞர் அவர்களின் புகழினைப் போற்றுகிற வகையில் இந்திய ஒன்றிய அரசு 100 ரூபாய் மதிப்பிலான தலைவர் கலைஞர் அவர்களின் உருவம் பொறித்த நாணயம் வெளியிட முன்வந்தமைக்கு இந்த மாவட்டக் கழகச் செயலாளர்கள் கூட்டம் மனமார்ந்த நன்றியினைத் தெரிவித்துக் கொள்கிறது.
, தமிழ்நாட்டு மக்களை வஞ்சிக்கும் செயல்களில் தொடர்ந்து ஈடுபட்டு வரும் ஒன்றிய பா.ஜ.க அரசுக்கு இந்த மாவட்டக் கழகச் செயலாளர்கள் கூட்டம் தனது கண்டனத்தைத் தெரிவித்துக் கொள்கிறது.
திருச்சி தெற்கு மாவட்டத்தில் முத்தமிழ் அறிஞர் டாக்டர் கலைஞர் அவர்களின் நூற்றாண்டு விழாவை சீரும் சிறப்புமாக 101 நிகழ்ச்சிகளை நடத்தி முடித்த மாவட்ட கழக செயலாளர் அமைச்சர் அவர்களுக்கு பாராட்டுக்களும் அதில் சிறப்பம்சமாக தெற்கு மாவட்டத்தில் உள்ள மூன்று தொகுதிகளிலும் முத்தமிழ் அறிஞர் டாக்டர் கலைஞருடைய மூன்று சிலைகளை நிறுவியமைத்தும் மாவட்டம் முழுவதும் சுமார் 206 இடங்களில் கொடிக்கம்பங்களை புதிதாக அமைத்து கல்வெட்டுகளை அமைத்து எந்த மாவட்ட கழகமும் செய்து விடாத சாதனையை செய்து முடித்திருக்கின்ற எங்கள் மாவட்ட கழக செயலாளர் அமைச்சர் மகேஸ் அவர்களுக்கு செயற்குழு நீண்ட பாராட்டுக்களை தெரிவித்துக் கொள்கிறது
திருச்சி பாராளுமன்ற தொகுதிக்கு உட்பட்ட ஆறு சட்டமன்ற தொகுதிகளில் நமது திருச்சி தெற்கு மாவட்டத்திற்கு உட்பட்ட திருவெறும்பூர் மற்றும் திருச்சி கிழக்கு மணப்பாறை ஆகிய மூன்று தொகுதிகளிலும் அதிக பெரும்பான்மை வாக்குகளை பெற்றமைக்கு நமது மாவட்ட கழக செயலாளர் அவர்களுக்கு பாராட்டுக்களும் நன்றியும் தெரிவிக்கப்பட்டு ஒருமனதாக தீர்மானம் நிறைவேற்றப்பட்டது.