இந்திய திரு நாட்டின் 77 வது சுதந்திர தின விழா இன்று விமரிசையாக கொண்டாடப்பட்டு வருகிறது. திருச்சியிலும் பல்வேறு இடங்களில் இன்று சுதந்திர தின விழா கொண்டாடப்பட்டது. திருச்சி சுப்பிரமணிய
புரத்தில் உள்ள ஆயுதப்படை மைதானத்தில் நடந்த விழாவில் திருச்சி மாவட்ட ஆட்சியர் பிரதீப் குமார் மூவர்ண கொடியை ஏற்றி வைத்து காவல்துறையினரின் அணிவகுப்பு மரியாதை ஏற்று கொண்டார்.
இந்த நிகழ்ச்சியில் திருச்சி மத்திய மண்டல ஐஜி கார்த்திகேயன், திருச்சி சரக டிஐஜி பகலவன், திருச்சி மாநகர காவல் ஆணையர் காமினி,திருச்சி மாவட்ட காவல் கண்காணிப்பாளர் வருண்குமார் மற்றும் பல அரசு துறை அதிகாரிகள் கலந்து கொண்டனர்.
இந்நிகழ்வில் காவல்துறையினரின் அணிவகுப்பு மரியாதையை ஏற்றுக்கொண்டு பின்னர் அரசின் பல்வேறு துறைகளில் சிறப்பாக பணிபுரிந்தவர்களுக்கு நற்சான்றிதழ் வழங்கி 1.62 கோடி மதிப்பில் நலத்திட்ட உதவிகளை 157 பயனாளிகளுக்கு கலெக்டர் வழங்கினார். மேலும் சிறப்பாக பணி புரிந்த 445 பேருக்கு பாராட்டு சான்றிதழ்களை வழங்கி பாராட்டினார்கள்.