திருச்சி அடுத்த திருவெறும்பூர் சப் இன்ஸ்பெக்டர் ரமேஷ் குமார் ரோந்து பணியில் ஈடுபட்டிருந்தார். அப்போது தஞ்சை- திருச்சி சாலையில் திருவெறும்பூர் பேருந்து நிறுத்தத்தில் சந்தேகப்படும்படியாக நின்றிருந்த இரண்டு பேரை ரமேஷ் குமார் பிடித்து சோதனை செய்தபோது அவர்களிடம்உரிய ஆவணம் இல்லாமல் 8லேப்டாப், 3 ஐ வாட்ச், 14 ஆண்ட்ராய்டு செல்போன்கள் என ரூ 6 லட்சத்து 11 ஆயிரம் மதிப்புள்ள பொருட்களை உரிய ஆவணம் இல்லாமல் வைத்திருப்பது தெரியவந்தது.
அதன் அடிப்படையில் இரண்டு பேரை திருவெறும்பூர் போலீசார் கைது செய்ததோடு அவர்களிடம் இருந்த பொருட்களையும் பறிமுதல் செய்தனர்.
அவர்கள் இருவரும் கூத்தைப்பார் வ உ சி நகரை சேர்ந்த ஜாபர் அலி (42 ), மன்னார்குடி மகாதேவ பட்டினத்தைச் சேர்ந்த அப்துல் சுல்தான் மகன் நதர்ஷா (27) என்பது தெரியவந்தது.
மேலும் அவர்கள் விமான நிலையத்திலிருந்து கொண்டு வந்ததாக கூறியுள்ளனர். ஆனால் அவர்களிடம் எந்தவித ஆவணமும் இல்லாததால் உரிய ஆவணத்தை காண்பித்து பொருட்களை நீதிமன்றத்தில் பெற்றுக் கொள்ளுமாறு கூறி வழக்கு பதிவு செய்ததோடு அவர்கள் இருவரையும் சொந்த ஜாமினில் போலீசார் விடுவித்தனர்.