தஞ்சை மாவட்டம், திருவையாறு வட்டாரத்தில் 13ம் தேதி ஒரே நாளில் அதிகபட்சமாக 97 மில்லி மீட்டர் மழை பெய்தது. இதன் காரணமாக மழை நீர், நெல் சாகுபடி வயல்களில் தேங்கியது. திருவையாறு கிழக்கு, மேற்கு விளாங்குடி, புனவாசல், குழிமாத்தூர் ஆகிய கிராமங்களில் சாகுபடி செய்யப்பட்டுள்ள இளம் நெல் வயல்களில் மழை நீர் தேங்கியுள்ளது. இதுகுறித்து விவசாயிகள் மற்றும் விரிவாக்க அலுவலர்கள் மூலம் தஞ்சாவூர் வேளாண்மை இணை இயக்குனருக்கு தகவல் தெரிவிக்கப்பட்டது. இதனை அடுத்து திருவையாறு சுற்றுவட்டார பகுதிகளில் மழை நீர் தேங்கியுள்ள வயல்களை தஞ்சாவூர் வேளாண்மை இணை இயக்குனர் ஈஸ்வர் நேரடி கள ஆய்வு செய்தார். விவசாயிகள் தெரிவித்த தகவலின் படி, கொள்ளிடம் மற்றும் காவிரி ஆற்றுக்கு இடைப்பட்ட கிராமங்களில் பெய்துள்ள மழை நீர் தற்போது வடிந்து வருகிறது. அதிகப் பட்ச மழையின் காரணமாக நெல் வயல்களிலும் மழைநீர் தேங்கி வடிந்து வருகிறது. எந்த இடத்திலும் வடிகால் பிரச்சனை இல்லை. ஆனால் நீரில் மூழ்கியுள்ள காரணத்தினால் நெற் பயிருக்கு பாதிப்பு ஏற்படும் என விவசாயிகள் கவலை தெரிவித்தனர். எனவே மழை நீர் வடிந்த பின்னர் வருவாய்த்துறை, வேளாண்மை துறை இணைந்து உரிய கணக்கெடுப்பு மேற்கொள்ளப்பட்டு, பயிர் பாதிப்பிற்கு நிவாரணம் வழங்கிட பரிந்துரைகள் செய்யப்படும் என தஞ்சாவூர் வேளாண்மை இணை இயக்குனர் தெரிவித்தார். கள ஆய்விற்கான ஏற்பாடுகளை திருவையாறு வேளாண்மை உதவி இயக்குனர் சுஜாதா, அலுவலர்கள் சினேகா வெங்கடேசன் ஆகியோர் செய்து இருந்தனர்.
வௌ்ளிக்கிழமை: ( 16.12.2022)
நல்ல நேரம் : காலை: 10.30-11.00, மாலை: ……
இராகு காலம் : 01.30-03.00
குளிகை : 09.00-10.30
எமகண்டம் : 06.00-07.30
சூலம் : தெற்கு
சந்திராஷ்டமம்: அவிட்டம். இன்றைய ராசிப்பலன் – 16.12.2022
மேஷம்
இன்று பிள்ளைகளால் மகிழ்ச்சி தரும் செய்திகள் வந்து சேரும். விலை உயர்ந்த பொருட்கள் வாங்கி மகிழ்வீர்கள். வேலையில் எதிர்பார்த்த இடமாற்றம் கிடைக்கும். புதிய தொழில் தொடங்கும் முயற்சிகளில் நல்ல முன்னேற்றம் இருக்கும்.
ரிஷபம்
இன்று உங்களுக்கு எதிர்பாராத செலவுகள் உண்டாகும். உறவினர்களுடன் கருத்து வேறுபாடுகள் ஏற்படும். சுபகாரிய முயற்சிகளில் கவனம் தேவை. வேலையில் உடன் பணிபுரிபவர்கள் ஆதரவாக செயல்படுவார்கள். தொழில் ரீதியாக லாபம் அதிகரிக்கும், மறைமுக எதிர்ப்புகள் விலகும்.
மிதுனம்
இன்று உறவினர்கள் வருகையால் இல்லத்தில் மகிழ்ச்சி தரும் நிகழ்ச்சிகள் நடைபெறும். நண்பர்களின் ஆலோசனைகள் வியாபாரத்தில் நற்பலன்களை தரும். திருமண சுப முயற்சிகளில் முன்னேற்ற நிலை ஏற்படும். தெய்வ தரிசனத்திற்காக வெளியூர் பயணம் செல்ல நேரிடும். சேமிப்பு உயரும்.
கடகம்
இன்று நீங்கள் எந்த செயலையும் சிந்தித்து செயல்பட்டால் நற்பலன்கள் கிட்டும். பிள்ளைகளால் வீண் விரயங்கள் ஏற்படும். உத்தியோக ரீதியான பயணங்களால் அலைச்சல் அதிகரித்தாலும் அனுகூலப் பலன்கள் உண்டாகும். வியாபாரத்தில் சிறு மாற்றங்கள் செய்வதன் மூலம் நல்ல லாபம் கிடைக்கும்.
சிம்மம்
இன்று குடும்பத்தில் மகிழ்ச்சி நிலவும். பூர்வீக சொத்துகளால் நல்ல அனுகூலமான பலன்கள் கிடைக்கும். பெரிய மனிதர்களின் அறிமுகம் உண்டாகும். தொழிலில் புதிய ஒப்பந்தங்கள் கைகூடுவதற்கான வாய்ப்புகள் உள்ளது. நண்பர்களின் சந்திப்பு மனதிற்கு மகிழ்ச்சியை தரும்.
கன்னி
இன்று வேலையில் எதிர்பாராத பிரச்சினைகளை சந்திக்க வேண்டி வரும். செலவுகளை சமாளிக்க கடன்கள் வாங்கும் சூழ்நிலை உருவாகும். தொழிலில் மந்த நிலை இருக்கும். எடுக்கும் முயற்சிகளுக்கு குடும்பத்தினர் ஆதரவாக இருப்பார்கள். உறவினர்களால் அனுகூலம் உண்டாகும்.
துலாம்
இன்று நீங்கள் எந்த காரியத்தையும் வெற்றிகரமாக செய்து முடிப்பீர்கள். குடும்பத்தில் மகிழ்ச்சியான சூழ்நிலை உருவாகும். பிள்ளைகளின் படிப்பில் நல்ல முன்னேற்றம் ஏற்படும். உடன் பிறந்தவர்களால் உதவிகள் கிடைக்கும். உத்தியோகத்தில் உடன் பணிபுரிபவர்களுடன் சுமூக உறவு உண்டாகும்.
விருச்சிகம்
இன்று குடும்பத்தில் பிள்ளைகள் வழியில் சுப செலவுகள் ஏற்படும். எடுக்கும் முயற்சிகள் அனைத்திலும் அனுகூலமான பலன்கள் உண்டாகும். தேவையற்ற செலவுகளை குறைப்பதன் மூலம் சேமிப்பு கூடும். பெரிய மனிதர்களின் ஆலோசனைகள் தொழில் வளர்ச்சிக்கு பெரிதும் உதவும்.
தனுசு
இன்று உறவினர்கள் வருகையால் செலவுகள் அதிகரிக்கலாம். சுபமுயற்சிகளில் கால தாமதம் ஏற்படும். தொழில் முன்னேற்றத்திற்காக சிறு தொகையை கடன் வாங்க நேரிடும். கடின உழைப்பின் மூலம் வியாபாரத்தில் எதிர்பார்த்த லாபம் அடையலாம். நண்பர்கள் மூலம் உதவிகள் கிடைக்கும்.
மகரம்
இன்று உங்கள் ராசிக்கு பகல் 02.04 வரை சந்திராஷ்டமம் இருப்பதால் எந்த ஒரு செயலிலும் மனக்குழப்பத்துடன் செயல்படுவீர்கள். பயணங்களில் கவனம் தேவை. வெளி இடங்களில் வீண் வாக்குவாதங்களை தவிர்ப்பது உத்தமம். புதிய முயற்சிகளை மதியத்திற்கு பின் செய்வது நல்லது.
கும்பம்
இன்று உங்கள் ராசிக்கு பகல் 02.04 மணிக்கு மேல் சந்திராஷ்டமம் இருப்பதால் நீங்கள் செய்யும் செயல்களில் காலதாமதம் ஏற்படும். குடும்பத்தில் அமைதியற்ற சூழ்நிலை உருவாகும். வியாபார ரீதியான பயணங்களில் அலைச்சலுக்கு பிறகே லாபம் கிடைக்கும். எதிலும் நிதானம் தேவை.
மீனம்
இன்று உறவினர்களால் குடும்பத்தில் மகிழ்ச்சி அதிகரிக்கும். எதிர்பார்த்த உதவிகள் கிடைப்பதன் மூலம் பணப்பிரச்சினையை தவிர்க்கலாம். உத்தியோக ரீதியாக வெளியூர் பயணம் செல்ல நேரிடும். உடல் ஆரோக்கிய பாதிப்புகள் குறையும். சிலருக்கு புதிய வாகனம் வாங்கும் யோகம் உண்டாகும்.