திருப்பதி ஏழுமலையான் கோவிலில் எப்போது பக்தர்கள் கூட்டம் அலைமோதும். தற்போது கோடை விடுமுறை என்பதால் வழக்கத்தை விட அதிகமான பக்தர்கள் கூட்டம் காணப்படுகிறது. இந்த நிலையில் கடந்த ஏப்ரல் மாதம் முழுவதும் 20 லட்சத்து 17 ஆயிரம் பக்தர்கள் திருப்பதி வெங்கடாசலபதியை தரிசனம் செய்துள்ளனர். அவர்கள் செலுத்திய காணிக்கைகள் எண்ணப்பட்டன. ஏப்ரல் மாதத்தில் மட்டும் ரூ.101.63 கோடி காணிக்கை கிடைத்துள்ளது. இந்த தகவலை கோவில் செயல் அதிகாரி தொிவித்துள்ளார்.
