தஞ்சாவூர் அருகே மாரியம்மன் கோயில் ரமணா நகரை சேர்ந்தவர் பாண்டுரங்கன் (62) ராணுவத்தில் பணியாற்றி ஓய்வு பெற்றவர். இவரது மனைவி ராஜகுமாரி (58). இவர் கடந்த சில மாதங்களாக மன அழுத்தத்தில் இருந்து வந்ததாக கூறப்படுகிறது. இந்நிலையில் மன அழுத்தம் அதிகரித்ததால் ராஜகுமாரி கடந்த மே மாதம் 27ம் தேதி வீட்டில் இருந்த பெட்ரோலை எடுத்து தன் உடலில் ஊற்றி தீ வைத்துக் கொண்டார். உடன் அக்கம் பக்கத்தினர் ராஜகுமாரியை மீட்டு தஞ்சாவூர் மருத்துவக்கல்லூரி மருத்துவமனையில் சிகிச்சைக்காக சேர்த்தனர். அங்கு தீவிர சிகிச்சை பெற்று வந்த ராஜகுமாரி நேற்று சிகிச்சை பலனின்றி இறந்தார். இது குறித்து தாலுக்கா போலீசார் வழக்கு பதிவு செய்து விசாரணை மேற்கொண்டுள்ளனர்.
