குழந்தைகள் தின விழாவை முன்னிட்டு, பேராவூரணி ஒன்றியம், மதன்பட்டவூர் ஊராட்சி ஒன்றிய தொடக்கப்பள்ளியில் குழந்தைகள் தினவிழா நடந்தது. பெற்றோர் ஆசிரியர் கழகத் தலைவர் ரா.முத்துகிருஷ்ணன் முன்னிலையில், பள்ளி மேலாண்மை குழுத் தலைவர் கா.சத்யா தலைமையில் பள்ளியில் குழந்தைகள் தின விழா சிறப்பாக கொண்டாடப்பட்டது. பள்ளி பொறுப்பு தலைமை ஆசிரியர் ச.இளமதியன், தனது செலவில் மாணவர்கள் அனைவருக்கும் சந்தன மரக்கன்றுகளை வழங்கினார். பள்ளி மேலாண்மைக் குழு ஆசிரியை தி.சூர்யா மாணவர்களுக்கு இனிப்பு வழங்கினார். முன்னதாக அலங்கரிக்கப்பட்ட ஜவஹர்லால் நேரு உருவப்படத்திற்கு மாலை அணிவித்து மலர்தூவி மரியாதை செலுத்தப்பட்டது.
