தஞ்சை வடக்குவாசல் ஏ.ஒய்.ஏ. நாடார் சாலையைச் சேர்ந்தவர் விஜய்பாபு (42). இவர் மாநகராட்சி 7-வது வார்டு தி.மு.க. கவுன்சிலர். இவர் நேற்றுமுன்தினம் வடக்குவாசல் பகுதியில் நின்று கொண்டிருந்தார். அப்போது விஜய்பாபுவின் நண்பர் மணிகண்டனுக்கும், அதே பகுதியை சேர்ந்த குழந்தையப்பன் மகன் கார்த்திக்ராஜா (23) என்பவருக்கும் இடையே வாக்குவாதம் ஏற்பட்டது. சிறிது நேரத்தில் இருவருக்கு தகராறு முற்றியது. இதனால் விஜய்பாபு சமதானம் செய்வதற்காக சென்றுள்ளார்.
அவருடன் அதே பகுதியை சேர்ந்த பன்னீர்செல்வம் மகன் ஆனந்த் (30), வீரராகவன்(39) ஆகியோரும் சென்றனர். இதனால் ஆத்திரம் அடைந்த கார்த்திக்ராஜா தான் மறைத்து வைத்திருந்த அரிவாளால் விஜய்பாபுவின் தலையில் வெட்டினார். இதில் அவருக்கு லேசான காயம் ஏற்பட்டது. இதை தடுக்க முயன்ற ஆனந்த் மற்றும் வீரராகவன் இருவரும் காயம் அடைந்தனர்.
உடன் காயமடைந்த 3 பேரும் தஞ்சை மருத்துவக்கல்லூரி மருத்துவமனையில் சிகிச்சைக்காக சேர்க்கப்பட்டனர். இதுகுறித்து மணிகண்டன் தஞ்சை மேற்கு போலீசில் புகார் செய்தார். இதன் பேரில் கிழக்கு போலீசார் வழக்குப்பதிவு செய்து கார்த்திக்ராஜாவை கைது செய்தனர். மேலும் தலைமறைவான ஒருவரை போலீசார் தேடி வருகின்றனர்.