சுதர்சன் கலை மற்றும் அறிவியல் கல்லூரியில் 03.02.2023 இன்று நடைபெற்ற இளம் விஞ்ஞானிகளுக்கான தேடல் என்ற தலைப்பில் அறிவியல் கண்காட்சி நடைபெற்றது. இக்கண்காட்சியைக் கல்லூரியின் நிர்வாகத் தலைவர் சொக்கலிங்கம் தொடங்கி வைத்தார். இந்நிகழ்வில் கல்லூரி நிர்வாக இயக்குநர்களான ரமாசிங்காரம், சோணாசிங்காரம் சுப்பரமணியம் , வீரப்பன் மற்றும் துணை முதல்வர் ஜெயகௌரி கல்வியியல் கல்லூரி முதல்வர்
அருண்குமார் இக்கண்காட்சியில் கலந்து கொண்டு சிறப்பு செய்தனர். அறிவியல் கண்காட்சியில் 80 பள்ளியிலிருந்து 325க்கும் மேற்பட்ட மாணவ-மாணவிகள் கலந்து கொண்டு 170 தலைப்புகளில் பல்வேறு அறிவியல் கண்டுப்பிடிப்புகளைச் செய்து தங்கள் திறமைகளை வௌிக்காட்டியுள்ளனர் . சிறந்த அறிவியல் கண்டுப்பிடிப்புகளுக்குப் பரிசுகளும் சான்றிதழ்களும், கல்லூரியின் தலைவர் சொக்கலிங்கம் வழங்கி மாணவர்களின் திறமையை ஊக்குவித்தனர்.