சேலம் மாவட்டம், மேட்டூர் அருகே உள்ள புக்கம்பட்டியில், அரசு துவக்கப்பள்ளி ஒன்று செயல்பட்டு வருகிறது. இங்கு ஆசிரியராக ஜியாவுல் அக் என்பவர் பணியாற்றி வருகிறார். இந்த பள்ளியில் பயின்று வரும் மாணவிகள் சிலருக்கு ஜியாவுல் தொடர்ந்து பாலியல் தொல்லை கொடுத்து வந்ததாக கூறப்படுகிறது. இது குறித்து சிறுமிகள் தங்களது பெற்றோர்களிடம் கூறியதை தொடர்ந்து, பெற்றோர் பள்ளியின் தலைமை ஆசிரியர் தனம் என்பவரிடம் புகார் அளித்துள்ளனர்.
