திருச்சி, ஸ்ரீரங்கம், மேலூர் அய்யனார் கோவில் பின்புறம் பகுதியில் சிலர் பணத்தை வைத்து சீட்டு விளையாடி வருவதாக திருவரங்கம் போலீசாருக்கு ரகசிய தகவல் கிடைத்தது. இதையடுத்து இன்ஸ்பெக்டர் வெற்றிவேல் தலைமையில் போலீசார் ஜீப்பில் சம்பவ இடத்திற்கு விரைந்து சென்று பார்த்தனர். அப்பொழுது அங்கு சீட்டு விளையாடிக் கொண்டிருந்த 5 பேர் போலீசாரை பார்த்தவுடன் எஸ்கேப் ஆக முயற்சித்தனர். அப்போது போலீசார் பிடித்து விசாரணை செய்தனர். விசாரணையில் ஸ்ரீரங்கம் பகுதியை சேர்ந்த தினேஷ் பாபு ( 26) விக்னேஷ் (24) சீனிவாசன் (46) சோமகாந்தன் ( 21)மகா பிரபு ( 22) ஆகிய 5 பேரை போலீசார் கைது செய்னர். மேலும் அவர்களிடமிருந்து சீட்டுகள் மற்றும் ரூ.16,800 பணத்தை பறிமுதல் செய்துள்ளனர்.
