செங்கல்பட்டு மாவட்டம் சூணாம்பேட்டில் இருந்து சென்னை வில்லிவாக்கம் நோக்கி வேன் ஒன்று 20-க்கும் மேற்பட்ட பயணிகளுடன் சென்று கொண்டிருந்தது. அப்போது செங்கல்பட்டு அடுத்த புலிப்பாக்கம் பகுதியில் வந்து கொண்டிருந்த போது திண்டிவனத்தில் இருந்து தாம்பரம் நோக்கி அதிவேகமாக வந்த கார் வேன் மீது மோதியது. இதில் நிலை தடுமாறிய வேன் இடதுபுறமாக செல்ல மீண்டும் தறிகெட்டு ஓடிய கார் முன்னாள் சென்று கொண்டிருந்த கேஸ் லாரி மீது மோதி விபத்துக்குள்ளானது.
இதில் வேனில் இருந்த ஒரு சிலருக்கு லேசான காயம் ஏற்பட்டது. மேலும், அடுத்தடுத்து மூன்று வாகனங்கள் ஒன்றன் பின் ஒன்றாக விபத்துக்குள்ளானதால் திருச்சி – சென்னை தேசிய நெடுஞ்சாலையில் கடும் போக்குவரத்து நெரிசல் ஏற்பட்டு வாகனங்கள் அணிவகுத்து நின்றன. தகவலறிந்து சம்பவ இடத்திற்கு வந்த போலீசார் விபத்துக்குள்ளான வாகனங்களை காவல் நிலையம் எடுத்து சென்று தீவிர விசாரணை நடத்தி வருகின்றனர். மேலும், போக்குவரத்து நெரிசலை சரி செய்யும் பணியில் ஈடுபட்டு வருகின்றனர். இதன் காரணமாக தேசிய நெடுஞ்சாலையில் சிறிது நேரம் பரபரப்பு நிலவியது.