காவிரி டெல்டா மாவட்டங்களாக தஞ்சை, நாகை, திருவாரூர், மயிலாடுதுறை மாவட்டங்களில் தொடர்ந்து கனமழை பெய்து வருகிறது. திருச்சி மாவட்டத்திலும் இன்று பரவலாக லேசனா மழை பெய்து வருகிறது. தஞ்சை மாவட்டத்தில் நேற்று முதல் தொடர்ந்து கனமழை பெய்து வருகிறது. இன்று காலையிலும் பரவலாக மழை நீடித்தது. இதன் காரணமாக தஞ்சை மாவட்டத்தில் இன்று பள்ளிகளுக்கு மட்டும் விடுமுறை அறிவித்து கலெக்டர் பங்கஜம் உத்தரவிட்டார். இதுபோல சிவகங்கை மாவட்டததிலும் பரவலாக மழை பெய்து வரும் நிலையில் பள்ளிகளுக்கு விடுமுறை விடுவது குறித்து சம்பந்தப்பட்ட பள்ளி தலைமை ஆசிரியர்களே முடிவு எடுத்துக்கொள்ளலாம் என கலெக்டர் அறிவித்து உள்ளார்.
