இந்தியா கூட்டணி கட்சியின் மயிலாடுதுறை பாராளுமன்ற தொகுதி செயல்வீரர்கள் கூட்டம் நடைபெற்றது. மயிலாடுதுறை பாராளுமன்ற தொகுதி காங்கிரஸ். வேட்பாளர் ஆர் சுதாவை அறிமுகப்படுத்தி பள்ளிகல்வித்துறை அமைச்சர் அன்பில் மகேஷ் பொய்யாமொழி பேசினார். கூட்டம் முடிந்ததும் அமைச்சர் மகேஷ் பொய்யாமொழி செய்தியாளர்களை சந்தித்தார் அப்போது அவர் கூறியதாவது:
தமிழகம் , புதுச்சேரி என 40 தொகுதிகளிலும் தமிழக முதலமைச்சரின் அலைதான் வீசுகிறது
தமிழக முதல்வர் மு.க.ஸ்டாலின் , அமைச்சர் உதயநிதி ஸ்டாலின் ஆகியோர் செல்கின்ற இடம் எல்லாம் மக்களிடம் பேராதரவு இருக்கிறது. ஏப்ரல் 19ம் தேதி வரை ஏன் காத்திருக்க வேண்டும் வாக்கு பெட்டியை இன்றே வையுங்கள் வாக்கு செலுத்துகின்றோம் என்ற அளவிற்கு மக்களிடம் எங்களுக்கு ஆதரவு இருக்கிறது.மயிலாடுதுறை காங்கிரஸ் வேட்பாளர் சுதா மூன்று லட்சம் வாக்கு வித்தியாசத்தில் வெற்றி பெறுவார்.
பிறை தென்பட்டு 12ம்தேதி அன்று ரமலான் பண்டிகை வரும் பட்சத்தில் அன்றைய தேதியில் நிச்சயமாக பொதுத்தேர்வு இருக்காது. அந்த தேர்வு வேறு தேதியில் நடைபெறும்.
இவ்வாறு அவர் கூறினார்.