காங்கிரஸ் தலைவர்களில் ஒருவரான ராகுல் காந்தி கேரள மாநிலம் வயநாடு தொகுதியில் போட்டியிடுகிறார். இங்கு கடந்த 26ம் தேதி தேர்தல் முடிந்து விட்டது. இந்த நிலையில் ராகுல் உ.பி. மாநில் ரேபரேலி தொகுதியிலும் போட்டியிடுகிறார். கடந்த தேர்தலில் இங்கு சோனியா போட்டியிட்டு வெற்றி பெற்றார். இந்த முறை அவர் ராஜ்யசபா எம்.பி. ஆகிவிட்டதால், ராகுல் அங்கு போட்டியிடுகிறார். இதையொட்டி வேட்புமனு தாக்கல் செய்ய கடைசி நாளான இன்று ராகுல் ரேபரேலி தொகுதி தேர்தல் நடத்தும் அதிகாரியிடம் வேட்புமனுவை தாக்கல் செய்தார். அப்போது சோனியா காந்தி, பிரியங்கா காந்தி, காங்கிரஸ் தலைவர் கார்கே ஆகியோர் உடனிருந்தனர்.
