தீபாவளி நாளான இன்று நடிகர் ரஜினிக்கு வாழ்த்துச் சொல்ல அவரது வீட்டின் முன்பு ரசிகர்கள் கூடியிருந்தனர். காலையில் அவர்களைச் சந்தித்த ரஜினிகாந்த் அவர்களுக்கு தீபாவளி வாழ்த்துகளைத் தெரிவித்தார். தொடர்ந்து அங்கிருந்த நிருபர்களிடம் சந்தித்த ரஜினிகாந்த், “அனைவரும் மகிழ்ச்சியாகவும், சந்தோஷமாகவும் இருக்க வேண்டும்” என்று தெரிவித்தார். அப்போது விஜய்யின் மாநாடு குறித்த நிருபர்களின் கேள்விக்கு பதில் அளித்த அவர், “நிச்சயமாக நடிகர் விஜய் தமிழக வெற்றிக் கழக மாநாட்டை வெற்றிகரமாக நடத்தி இருக்கிறார். அவருக்கு எனது வாழ்த்துகள்” என்று தெரிவித்தார்.
