நெல்சன் திலீப்குமார் இயக்கத்தில் சன் பிக்சர்ஸ் தயாரிக்க கடந்த ஆகஸ்ட் 10ம் தேதி வெளியான இந்த ஜெயிலர் திரைப்படம் மாஸ் வரவேற்பை பெற்றுள்ளது. அனிருத் இசையமைப்பில் வெளியான அனைத்து பாடல்களும் நல்ல ஹிட் தான். தமன்னா, மோகன்லால், ஜாக்கி ஷெராப், சிவராஜ்குமார் என பல முன்னணி நடிகர்கள் நடித்துள்ளனர். ரூ. 525 கோடிக்கு மேல் படம் இதுவரை வசூலித்துள்ளது என கடந்த வாரம் சன் பிக்சர்ஸ் அதிகாரப்பூர்வமாக அறிவித்தார்கள். இந்த ஜெயிலர் திரைப்படம் ரூ. 200 கோடி முதல் ரூ. 240 கோடி பட்ஜெட்டில் தயாரானதாம். படமும் 19 நாள் முடிவில் உலகம் முழுவதும் ரூ. 575 கோடி வரையும், தமிழகத்தில் ரூ. 180 கோடி வரையும் வசூலித்துள்ளதாக கூறப்படுகிறது. இந்தநிலையில் நடிகர் ரஜினி தான் கண்டக்டராக வேலை பார்த்த பெங்களூரில் பஸ் டிப்போவிற்கு சென்று சர்ப்ரைஸ் கொடுத்தார். அங்கு பணிபுரிபவர்கள் ரஜினியை பார்த்ததும் உற்சாகம் அடைந்தனர். மேலும் அவருக்கு மலர்கொடுத்து உற்சாக வரவேற்பு அளித்தனர். ஜெயிலர் படம் ஹிட் குறித்து ரசிகர்கள் ஆரவாரம் செய்தனர். மேலும் செல்பி எடுத்துக்கொண்டனர்.
