தஞ்சாவூர் மாவட்டம் நாஞ்சிக்கோட்டையைச் சேர்ந்த நாகராஜன், ஒரத்தநாடு நெடுவாக்கோட்டையைச் சேர்ந்த விக்னேஷ், கும்பகோணம் நாச்சியார் கோவிலைச் சேர்ந்த மகேஷ்வரன் மற்றும் சூரக்கோட்டையைச் சேர்ந்த கௌதம் ஆகியோருக்கு புதுக்கோட்டை யை சோந்த முருகானந்தம் என்பவர் வெளிநாட்டில் வேலை வாங்கி தருவதாக ஆசை வார்த்தை கூறி மோசடி செய்து ஒவ்வொரு நபரிடமும் தலா ரூ.40,000/- பணத்தை பெற்றார்.
ஆனால் அவர்களை வெளிநாடு அனுப்பாமல் ஏமாற்றி உள்ளார். இதனால் மேற்கண்ட 4 நபர்களும் தஞ்சை தமிழ்ப்பல்கலைக்கழக போலீசில் புகார் கொடுத்தனர். அதன்பேரில் வழக்கு பதிவு செய்யப்பட்டது. தொடர்ந்து விசாரணைக்கு பின்னர் புதுக்கோட்டையைச் சேர்ந்த முருகானந்தம் (38) என்பவர் மேற்படி நான்கு நபர்களை ஏமாற்றியதற்காக கைது செய்யப்பட்டார். பின்னர் அவரை கோர்ட்டில் ஆஜர்படுத்தி சிறையில் அடைத்தனர்.