பாரத பிரதமர் நரேந்திர மோடியின் 74-வது பிறந்தநாளை முன்னிட்டு கரூர் மாவட்டம் பாஜக சார்பில் வெண்ணைமலையில் உள்ள அன்புக்கரங்கள் ஆதரவற்றோடு இல்லத்தில் அன்னதானம் வழங்கினர். பாரத பிரதமர் நரேந்திர மோடி அவர்களின் 74 – வது பிறந்தநாளை முன்னிட்டு தமிழகம் முழுவதும் அன்னதானம், ரத்த தானம்,நலத்திட்டங்கள் உள்ளிட்ட பல்வேறு நிகழ்ச்சிகள் நடைபெற்று வரும் நிலையில் அதன் ஒரு பகுதியாக கரூர்
வெண்ணைமலையில் உள்ள அருள்மிகு ஸ்ரீ பால தண்டாயுதபாணி சுவாமி திருக்கோவிலில் சிறப்பு பூஜை மற்றும் அபிஷேக ஆராதனைகள் நடைபெற்றது. அதனை தொடர்ந்து அன்புகரங்கள் ஆதரவற்றோர் இல்லத்தில் பாஜக சார்பில் கரூர் மாவட்ட தலைவர் செந்தில்நாதன் தலைமையில் அன்னதானம் வழங்கப்பட்டது. இதில் அறுசுவை சைவ உணவுகள் பரிமாறப்பட்டது. இந்நிகழ்ச்சியில் பாஜக நிர்வாகிகள் தொண்டர்கள் என பலர் கலந்து கொண்டனர்.