போலீசாரை பணி செய்ய விடாமல் தடுத்த தமிழ் புலிகள் நிர்வாகி ஜெகதீஷ் கைது…

கரூர் மாவட்டம் சின்னதாராபுரம் அருகே கடந்த 2 தினங்களுக்கு முன்பு 3 இடங்களில் அடுத்தடுத்து திருட்டு சம்பவம் நடந்தது இதனை அடுத்து சின்ன தாராபுரம் போலீசார் பல்வேறு இடங்களில் வாகன சோதனையில் ஈடுபட்டு வந்தனர். அப்போது கரூர் -தாராபுரம் ரோட்டில் ராஜபுரம் பிரிவு என்னும் இடத்தில் சின்ன தாராபுரம் சப் இன்ஸ்பெக்டர் ஞானசேகர் தலைமையில் போலீசார் வாகன சோதனையில் ஈடுபட்டு வந்தனர் அப்போது அந்த வழியாக வந்த எலவனூரைச் சேர்ந்த ஜெகதீஷ் (வயது 32) (இவர் தமிழ் புலிகள் இயக்கத்தின் க.பரமத்தி ஒன்றிய செயலாளராக பதவி வைத்து வருகிறார்) இவரை போலீசார் மடக்கி விசாரித்துக் கொண்டிருந்தனர். அப்போது ஜெகதீசன் மது போதையில் போலீசாரை தகாத வார்த்தையாலும் பணி செய்ய விடாமல் தடுத்துள்ளார். இதனை அடுத்து சின்ன தாராபுரம் காவல் நிலையத்துக்கு அழைத்துச் சென்று ஜெகதீசை விசாரணை செய்துள்ளனர் அப்போது ஜெகதீசன் நான் ஒரு ஒன்றிய செயலாளராக உள்ளேன் என் மீது கை வைத்தால் நாளை மிகப்பெரிய போராட்டத்தில் ஈடுபடுவேன் என போலீசாரை எச்சரிக்கை செய்துள்ளார் இதனை அடுத்து சின்ன தாராபுரம் போலீசார் வழக்கு பதிவு செய்து கரூர் கிளைச் சிறையில் ஜெகதீசனை அடைத்தனர்.