உத்தர பிரதேசத்தின் வாரணாசி தொகுதியில் பிரதமர் மோடி 3வது முறையாக போட்டியிடுகிறார். வருகிற ஜூன் 1-ந்தேதி, 7-வது மற்றும் கடைசி கட்ட தேர்தலின்போது இந்த தொகுதிக்கான வாக்கு பதிவு நடைபெறுகிறது. இதற்காக வாரணாசி நகரில் பிரதமர் மோடி நேற்று வாகன பேரணியில் ஈடுபட்டார்.
இந்த தொகுதியில் போட்டியிடுவதற்கான வேட்பு மனுவை இன்று பிற்பகலில் பிரதமர் தாக்கல் செய்ய உள்ளார். இதற்காக அவர் அங்கு சுமார் 5 கிமீ தொலைவிற்கு மீண்டும் வாகன பேரணி செல்கிறார். அப்போது அவர் காசி விஸ்வநாதர் கோவிலில் வழிபாடு நடத்தவும் திட்டமிட்டுள்ளதாகவும் கூறப்படுகிறது. இந்த வாகன பேரணியில் பிரதமர் மோடியைவரவேற்க பா.ஜ.க.வினர் பல சிறப்பு ஏற்பாடுகளைச் செய்துள்ளனர்.