பெரம்பலூரில் தனலட்சுமி சீனிவாசன் கல்விக்குழும நிறுவனங்களின் சார்பாக 74வது குடியரசு தினவிழா இன்று மிகச்சிறப்பாக கொண்டாடப்பட்டது. இந்த விழாவிற்க்கு தனலட்சுமி சீனிவாசன் பல்கலைக்கழக வேந்தர் அ.சீனிவாசன் தலைமை வகித்தார். தனலட்சுமி சீனிவாசன் கல்வி நிறுவனங்களின் சார்பாக வழங்கப்பட்ட மாணவ மாணவிகளின் அணிவகுப்பு மரியாதையை ஏற்றுக்கொண்ட வேந்தர் தேசியக்கொடியை ஏற்றிவைத்து, உலக சமாதானத்தை பறைசாற்றும் வகையில் சமாதானப் புறாக்களை பறக்கவிட்டார். இந்த நிகழ்ச்சியில் நமது கலாச்சாரம் பண்பாடு மற்றும் நாட்டுப்பற்றை வெளிப்படுத்தும் விதமாக மாணவ மாணவிகளின் கலை நிகழ்ச்சிகள் நடைபெற்றன. மேலும் விளையாட்டு மற்றும் பல்வேறு துறைகளில் சாதனைகள் புரிந்த மாணவ மாணவிகளுக்கு சீனிவாசன் பரிசுகள் வழங்கி பாராட்டினார் இந்த நிகழ்ச்சியில் தனலட்சுமி சீனிவாசன் கல்விக்குழுமத்தை சார்ந்த நிறுவனங்களின் முதல்வர்கள் துணை முதல்வர்கள் , புலமுதல்வர்கள் , துறைத்தலைவர்கள், பேராசிரியர்கள் , ஊழியர்கள் மற்றும் மாணவ மாணவிகள் கலந்துகொண்டனர்.
