தஞ்சை மாவட்டம், பாபநாசம் எல்.ஐ.சி கிளை அலுவலகத்தில் முகவர்கள் சிறப்பு கூட்டம் நடந்தது. கும்பகோணம் கிளை 1 மேலாளர் ஜெய்சங்கர் தலைமை வகித்தார். பாபநாசம் கிளை மேலாளர் முத்துக்குமார் வரவேற்றார். கூட்டத்தில் தஞ்சை கோட்ட அலுவலக புதிய வணிக மேலாளர் சுராஜ் குமார் கலந்து கொண்டு எல்.ஐ.சி யின் புதிய திட்டங்கள் குறித்து பேசினார். கூட்டத்தில் விற்பனை மேலாளர் குமரன், கும்பகோணம் உதவி கிளை மேலாளர் ஜோஸ் பிரிட்டோ, வளர்ச்சி அதிகாரிகள் பழனிச்சாமி, ஸ்ரீ சங்கரி, உதவி நிர்வாக அதிகாரி ஹரிஹர சுப்பிரமணியன் உட்பட பலர் கலந்துக் கொண்டு பேசினர். கூட்டத்தில் முகவர்கள் திரளாக கலந்து கொண்டனர்.
