பக்ரீத் பண்டிகை இன்று கொண்டாடப்படுகிறது இதனை யொட்டி இன்று காலை தஞ்சை கீழவாசல் பகுதியில் உள்ள அண்ணா திருமண மண்டபத்தில் தமிழ்நாடு தவ்ஹீத் ஜமாஅத் தெற்கு மாவட்டம், தஞ்சை மாநகரம் கிளை சார்பில் பக்ரீத் பெருநாள் தொழுகை நடைபெற்றது.
இதில் இஸ்லாமியர்கள் ஏராளமானோர் கலந்து கொண்டு தொழுகையில் ஈடுபட்டனர். ஜமாத் கிளை ஷேக் அப்துல் காதர் தொழுகை நடத்தினார். இந்நிகழ்ச்சியில் தமிழ்நாடு தவ்ஹீத் ஜமாஅத் கிளை தலைவர் உமர் ஷாஜகான் செயலாளர் யாசர் அரஃபாத் பொருளாளர் சலீம் உட்பட ஏராளமானோர் கலந்து கொண்டனர். இதுபோல நாகூர், நாகை, திருவாரூர் , புதுக்கோட்டை், பெரம்பலூர் மதரசா சாலையில் உள்ள மவுலானா பள்ளி வளாகத்தில் நடந்த சிறப்பு தொழுகையில் ஏராளமானோர் பங்கேற்றனர். வடக்கு மாதவி சாலையில் உள்ள மைதானத்தில் பெண்கள் தொழுகை நடத்தினர். இது தவிர மாவட்டத்தில் உள்ள பல்வேறு இடங்களில் பள்ளிவாசல்களிலும் தொழுகை நடந்தது.