திருச்சி மாவட்டம் மண்ணச்சநல்லூர் அருகே நொச்சியத்தில் உள்ள கொள்ளிடம் ஆற்றில் குளிக்கச் சென்ற பூக்கட்டும் தொழிலாளியை சடலமாக மீட்டனர்.
ஸ்ரீரங்கம் கும்படம் பகுதியைச் சேர்ந்தவர் 51 வயதான கோவிந்தசாமி. இவர் பூ கட்டும் தொழில் செய்து வருகிறார். நேற்று மதியம் ஒரு மணி அளவில் குளிப்பதற்காக வீட்டிலிருந்து கொள்ளிடம் ஆற்றுக்கு சென்றுள்ளார்.ஆனால் நீண்ட நேரமாகியும் வீட்டுக்கு வராதால் அவரது குடும்பத்தினர் உறவினர்கள் பல்வேறு இடங்களில் கோவிந்தசாமியை தேடியுள்ளனர்.எங்கும் கிடைக்கவில்லை.இந்நிலையில் இன்று மதியம் கொள்ளிடம் ஆற்றில் ஒருவர் சடலமாக கிடப்பதாக மண்ணச்சநல்லூர் போலீசாருக்கு தகவல் கிடைத்தது .தகவல் அறிந்து சம்பவ இடத்திற்க்கு சென்ற மண்ணச்சநல்லூர் போலீசார் விசாரணை செய்ததில் ஸ்ரீரங்கம் பகுதியைச் சேர்ந்த பூக்கட்டும் தொழிலாளி கோவிந்தசாமி என தெரியவந்தது. பின்னர் அவரது சடலத்தை கைப்பற்ற மண்ணச்சநல்லூர் போலீசார் உடற்கூறு ஆய்விற்காக ஸ்ரீரங்கம் அரசு மருத்துவமனைக்கு அனுப்பி வைத்தனர். பின்னர் இச்சம்பவம் குறித்து வழக்கு பதிவு செய்து விசாரணை செய்து வருகின்றனர்.