பாபநாசத்தில் என்.சி.சி மாணவர்களுக்கான வருடாந்திர பயிற்சி முகாம் …

என்.சி.சி மாணவர்களுக்கான வருடாந்தர பயிற்சி முகாம் சிதம்பரம் அண்ணா மலை பல்கலைக் கழக டைமண்ட் ஜீப்ளி ஹாஸ்டலில் நடைப் பெற்றது. ஜீலை 1 முதல் 10 ந் தேதி வரை நடைப் பெற்ற பயிற்சி முகாமில் பாபநாசம் அரசினர் ஆண்கள் மேல் நிலைப் பள்ளியைச் சேர்ந்த 9, 10 ம் வகுப்பு படிக்கும் மாணவர்கள் 40 பேர் பங்கேற்றனர். இதில் துப்பாக்கி சுடுதல், கப்பல் கட்டுவது, கயிறு முடிச்சு போடுவது, சிக்னல், டிரில் உள்ளிட்ட பல்வேறு பயிற்சி பெற்றனர். பயிற்சியின் முடிவில் அரசினர் ஆண்கள் மேல் நிலைப் பள்ளி மாணவர்கள் பெஸ்ட் பயரிங் கேடட் விருது, பெஸ்ட் டிரில் கேடட் விருது, பெஸ்ட் கேடட் விருதினைப் பெற்றனர். இதில் என்.சி.சி அலுவலர் சரவணன் பங்கேற்றார். விருதுப் பெற்ற மாணவர்களை பள்ளித் தலைமையாசிரியர் மணியரசன் பாராட்டினார்.