தமிழக முழுவதும் விதிமுறைகளை கடைப்பிடிக்காத வாகன ஓட்டிகள் மற்றும் அவர்களது வாகனங்கள் மீது காவல்துறையினர் நடவடிக்கை எடுத்து அபராதம் விதித்து வருகின்றனர். இதைப்போல் இன்று நாகப்பட்டினத்தில் போக்குவரத்து மற்றும் சட்டம் ஒழுங்கு போலீசார் வாகன சோதனையில் ஈடுபட்டனர். டிஎஸ்பி பாலகிருஷ்ணன் தலைமையில் களத்தில் இறங்கிய காவல்துறையினர், நாகை வெளிப்பாளையம் உள்ளிட்ட பகுதிகளில்
தலைக்கவசம் அணியாமல் வந்த வாகன ஓட்டிகளை தடுத்து நிறுத்தி அவர்களுக்கு அபராதம் விதித்தனர்.
மேலும் ஓட்டுநர் உரிமம் இன்றி வாகனத்தை இயக்கியவர்கள் மற்றும் ஆட்டோவில் அதிக ஆட்களை ஏற்றி வந்து சாலை விதிமுறைகளை மீறிய வாகன ஓட்டிகளுக்கு அபராதம் விதிக்கப்பட்டது. அப்போது தலைக்கவசம் அணியாமல் வாகனத்தை இயக்கிய வாகன ஓட்டிகள் மற்றும் போக்குவரத்து விதிமுறைகளை கடைப்பிடிக்காத ஆட்டோ ஓட்டுநர்களுக்கு டிஎஸ்பி பாலகிருஷ்ணன் அறிவுரை கூறி எச்சரித்தும் அனுப்பினார்.