மோசடி வழக்கில் பாஜக நிர்வாகி நடிகை ஜெயலட்சுமி கைது…

இதனை அடுத்து இருவரும் எழும்பூர் நீதிமன்றத்தில் வழக்கு தொடர்ந்ததை அடுத்து நீதிமன்ற உத்தரவின் பேரில் மத்திய குற்றபிரிவு போலீஸார் இருவர் மீதும் வழக்கு பதிவு செய்து விசாரணை நடத்தினர். இதனை எதிர்த்து பாடலாசிரியர் சினேகன் உயர்நீதிமன்றத்தில் வழக்கு தொடர்ந்தார்.‌ இதனை விசாரித்த நீதிமன்றம் சினேகன் மீது காவல் துறை பதிவு செய்த வழக்கை ரத்துச் செய்து உத்தரவிட்டது. மேலும் நடிகை ஜெயலட்சுமியிடம் விசாரணை நடத்துமாறு நீதிமன்றம் காவல்துறைக்கு உத்தரவு பிறப்பித்தது. நீதிமன்ற உத்தரவுப்படி திருமங்கலம் போலீஸார் வழக்கு பதிவு செய்து விசாரணை மேற்கொண்டனர்.

இந்நிலையில் இவ்வழக்கு தொடர்பாக விசாரணை நடத்த வேண்டி இன்று திருமங்கலம் போலீஸார் அண்ணாநகரில் உள்ள நடிகை ஜெயலட்சுமி வீட்டுக்குச் சென்று அவரிடம் விசாரணை நடத்தினர். மேலும் அவர் வீட்டில் சோதனை நடத்திய போலீஸார், நடிகை ஜெயலட்சுமி ‘சினேகம் பவுண்டேசன்’ பெயரில் பணம் பெற்றதற்கான ஆவணங்களை கைப்பற்றியதாக தெரிகிறது. இதனை தொடர்ந்து போலீஸார் சினேகம் பவுண்டேசன் மோசடி வழக்கில் நடிகை ஜெயலட்சுமியை கைது செய்து காவல் நிலையம் அழைத்துச் சென்று விசாரணை நடத்தி வருகின்றனர். மோசடி வழக்கில் நடிகை ஜெயலட்சுமியை போலீஸார் கைது செய்த சம்பவம் பாஜகவினர் இடையே பெரும் அதிர்ச்சியை ஏற்படுத்தியுள்ளது.