திருச்சி விமானநிலையத்தில் அமைச்சர் கே.என். நேரு இன்று அளித்த பேட்டி:
தமிழ்நாட்டில் முழுவதும் நோய் பரவலை தடுப்பதற்கு மாநகராட்சி, பேரூராட்சி, நகராட்சிகளில் பணிபுரியும் தூய்மை பணியாளர்கள் மழை காலங்களில் அனைத்து இடங்களிலும் தூய்மையாக வைத்து கொள்ள அறிவுரைகள் வழங்கப்பட்டுள்ளது.
திமுக நிர்வாகிகள் மத்தியில் மன வருத்தம் இருப்பதாக கூறப்படுகிறதே என்ற கேள்விக்கு, அமைச்சர் நேரு பதிலளித்தபோது, ஒரு குடும்பம் இருந்தால் அதில் ஒருவர் வருத்தமாக இருப்பார். ஒருவர் மகிழ்ச்சியாக இருப்பார். வருத்தமாக இருப்பவரை மகிழ்ச்சியாக்க வேண்டியது எங்கள் பொறுப்பு. அதை நாங்கள் செய்வோம். அனைத்து இடங்களிலும் வெற்றிபெறுவோம்.
இவ்வாறு அமைச்சர் கூறினார்.