மயிலாடுதுறை மாவட்டத்தில் ரமலான் பெருநாள் பண்டிகை சிறப்பாக கொண்டாடப்பட்டு வருகிறது. மயிலாடுதுறை சுப்ரமணியபுரத்தில் தமிழ்நாடு தவ்ஹீத் ஜமாத் சார்பில் திடலில் சிறப்பு தொழுகை நடைபெற்றது. தமிழ்நாடு தவ்ஹீத் ஜமாத் மாவட்ட செயலாளர் முகமது இயாஸ் தலைமையில் நடைபெற்ற இத்தொழுகையில் ஏராளமான இஸ்லாமியர்கள் புத்தாடை அணிந்து உலகில் அன்பும் அறமும் மனிதநேயமும் தழைத்தோங்கவும் ஒற்றுமையுடன் வாழவும் சிறப்புத் தொழுகை நடத்தினர். பின்னர் ஒருவருக்கொருவர் ரமலான் வாழ்த்துக்களை தெரிவித்துக்கொண்டனர்.
இதுபோல் மயிலாடுதுறையில் நீடூர், வடகரை, கிளியனூர், உள்ளிட்ட மாவட்டம் முழுவதும் இஸ்லாமியர்கள் பள்ளிவாசலில் சிறப்பு தொழுகையில் ஈடுபட்டனர்.
