ஒரு காலத்தில் ஹிட் படங்களாக கொடுத்த நடிகர் விஷால் தற்போது அடுத்தடுத்து தோல்வி படங்களை கொடுத்து வருகிறார். சமீபத்தில் வெளியான எனிமி மற்றும் வீரமே வாகை சூடும் திரைப்படங்கள் தோல்வியை தழுவியது. இதனை அடுத்து வெற்றியை கொடுக்க வேண்டிய கட்டாயத்தில் இருக்கும் நடிகர் விஷால் தற்போது லத்தி என்ற திரைப்படத்தில் நடித்திருக்கிறார்.இது தமிழ், தெலுங்கு, இந்தி உள்ளிட்ட ஐந்து மொழிகளில் ரிலீசாக உள்ளது.
இந்த நிலையில் படத்தின் முதல் செடியூல் முடிந்துவிட்டது. மார்க் ஆண்டனி படம் தொடர்பாக சில தகவல்கள் கிடைத்து இருக்கின்றன. இதில் நடிகர் விஷால் முதல் முறையாக மூன்று கதாபாத்திரத்தில் நடிக்கிறார்.தந்தை மற்றும் இரண்டு மகன்களாக விஷாலே நடிப்பதாக தகவல் வெளியாகியிருக்கிறது. படத்தின் 15 நாள் படப்பிடிப்பு காட்சிகளை தயாரிப்பாளர் வினோத் கண்டு பிரமித்து போய்விட்டதாகவும் , இதனால் படம் மீது தனி நம்பிக்கை வந்து விட்டதாகவும் தயாரிப்பாளர் வினோத், இயக்குனர் ஆதிக் ரவிச்சந்திரனை அழைத்து பாராட்டியதாக திரைப்பட வட்டார தகவல்கள் தெரிவிக்கின்றன. இந்தநிலையில் ஈசிஆரில் உள்ள நடிகர் விஜய்- வீட்டிற்கு விஷால் நடித்திருக்கும் ”மார்க் ஆண்டனி” டீம் சென்று விஜயை சந்தித்தனர். மேலும் மார்க் ஆண்டனி டீசரை விஜய்-இடம் நடிகர் விஷால் காண்பித்தார். இதனை தொடர்ந்து மார்க் ஆண்டனி படத்தின் டீசரை இன்று மாலை, நடிகர் விஜய் அவரின் டிவிட்டரில் வௌியிடுகிறார். இத்தகவலை அறிந்த ரசிகர்கள் உற்சாகமடைந்துள்ளனர். இந்த புகைப்படங்கள் தற்போது சமூக வலைதளங்களில் பரவி வருகிறது.