03.11.2024 அன்று கும்பகோணம் to சென்னை முன்பதிவு பேருந்துகள் புறப்படும் இடம் தொடர்பாக தமிழ்நாடு அரசு போக்குவரத்து கழகம் (கும்பகோணம்) லிமிடெட் கும்பகோணம் சார்பாக அதன் நிர்வாக இயக்குனர் அறிக்கையில் கூறியதாவது…
தீபாவளி பண்டிகை முடித்து கும்பகோணத்தில் இருந்து சென்னை செல்வதற்கு 03.123024 அன்று 60 க்கும் மேற்பட்ட கும்பகோணம் போக்குவரத்து கழக பேருந்துகளுக்கு முன்பதிவு செய்யப்பட்டுள்ளது. மேற்படி கும்பகோணம் போக்குவரத்து கழக பேருந்துகளில் முன்பதிவு செய்து பயணம் செய்ய உள்ள பயணிகளின் வசதிக்காக 03.11.2024 அன்று ஒரு நாள் மட்டும் (இரவு 7:00 மணி முதல் நள்ளிரவு 12 மணி வரை) முன்பதிவு பேருந்துகள் கும்பகோணம் நகரப் பேருந்து நிலையத்திலிருந்து இயக்கப்பட உள்ளது என்பதை தெரிவித்துக் கொள்கிறோம்.
கும்பகோணம் போக்குவரத்து கழக பேருந்துகளுக்கு முன்பதிவு செய்துள்ள பயணிகள் கும்பகோணம் நகரப் பேருந்து நிலையம் சென்று, நகரப் பேருந்து நிலையத்திலிருந்து புறப்படும் முன்பதிவு செய்யப்பட்ட கும்பகோணம் போக்குவரத்து கழக பேருந்துகளில் ஏறி பயணம் செய்து சென்னை சென்றடையுமாறு கேட்டுக் கொள்ளப்படுகிறது. முன்பதிவு செய்திராத பயணிகளுக்கு சிறப்பு பேருந்துகள் வழக்கமாக புறப்படும் புறநகர் பேருந்து நிலையத்திலிருந்தே இயக்கப்படும்.
