திருச்சி பொன்மலைப்பட்டி பொன்னேரிபுரம் பகுதியை சேர்ந்தவர் குருநாதன். இவர் பொன்மலை ஆர்மரி கேட் பகுதியில் டிபன் கடை நடத்தி வருகிறார். இந்நிலையில் நேற்று முன்தினம் கடைக்கு வந்த 2 வாலிபர்கள் கத்திமுனையில் மிரட்டி பணம் கேட்டுள்ளனர். அதற்கு அவர் தர மறுத்துள்ளார். இருப்பினும் அவர் பாக்கெட்டில் இருந்த ரூ. 600 ரூபாயை பறித்துக்கொண்டு தப்பிவிட்டனர். இச்சம்பம் குறித்து குருநாதன் புகார் அளித்தார். போலீசார் வழக்கு பதிவு செய்து மலைக்கோட்டை என்எஸ்பி சாலை பகுதியை சேர்ந்த ஹரிகரன் (21) மற்றும் மலைக்கோட்டை பெரிய பஜார் பகுதியை சேர்ந்த கிஷோர் ( 19 ) ஆகிய 2 பேரையும் பொன்மலை போலீசார் கைது செய்தனர்.
வீடு புகுந்து நகை திருட்டு…
திருச்சி உறையூர் இந்திராநகர் பகுதியை சேர்ந்தவர் பேச்சியம்மாள் (வயது34).இவர் கடந்த அக். 7ந் தேதி தனது வீட்டை பூட்டிவிட்டு தந்து மகளுடன் வெளியே சென்றார். பிறகு திரும்பி வீட்டுக்கு வந்து பார்த்தபோது, வீட்டின் பூட்டு உடைக்கப்பட்டு இருந்தது கண்டு அதிர்ச்சி அடைந்தார். பின்னர் உள்ளே சென்று பார்த்த போது வீட்டின் அலமாரியில் இருந்த 5 1/2 பவன் தங்கச் செயின் திருட்டு போயிருப்பது தெரிய வந்தது. சென்றது இது குறித்து பேச்சியம்மாள் அளித்த புகாரின் பேரில் உறையூர் போலீசார் வழக்குப் பதிவு செய்து விசாரணை செய்து வந்தனர். இந்த விசாரணையில் உறையூர் பாண்டமங்கலம் பகுதியை சேர்ந்த மன்சூர் அலிகான் (23 ) என்ற வாலிபரை உறையூர் போலீசார் கைது செய்தனர்.