கரூர் மாவட்டம், அரவக்குறிச்சி தாலுகா சேந்தமங்கலம் மேல்பாகம், எல்லப்பட்டி கிராமத்தை சேர்ந்தவர் கருப்புசாமி. இவரது மகன் மோகன்ராஜ் (17) இவர் அரவக்குறிச்சியில் உள்ள தனியார் பள்ளியில் பன்னிரண்டாம் வகுப்பு படித்து வருகிறார்.
மோகன்ராஜ் இன்று காலை தனது இருசக்கர வாகனத்தை எடுத்துக்கொண்டு தலையாரப்பட்டி பிரிவு அருகே செல்லும்போது தனக்கு முன்னால் சென்ற வாகனத்தை முந்திச் செல்ல முயற்சி செய்யும்போது, எதிர் திசையில் பள்ளப்பட்டியில் இருந்து தாராபுரம் செல்லும் தனியார் பேருந்தில் நேருக்கு நேர் மோதியதில் தலையில் பலத்த காயம் ஏற்பட்டு, சம்பவ இடத்திலேயே பரிதாபமாக உயிரிழந்தார்.
விபத்து குறித்து தகவல் அறிந்த அரவக்குறிச்சி போலீசார் சம்பவ இடத்திற்கு விரைந்து வந்து பள்ளி மாணவன் மோகன்ராஜ் உடலை மீட்டு பிரேத பரிசோதனைக்காக கரூர் அரசு மருத்துவக் கல்லூரி மருத்துவமனைக்கு அனுப்பி வைத்தனர். மேலும், விபத்து குறித்து வழக்கு பதிவு செய்து விசாரணை மேற்கொண்டு வருகின்றனர்.