கரூர் தேர் வீதி பகுதியில் விஸ்வகர்மா சித்தி விநாயகர் கோயிலில் கும்பாபிஷேக விழாவை முன்னிட்டு பாலாலய நிகழ்ச்சியின் விழா சிறப்பாக நடைபெற்றது.
இந்நிகழ்ச்சியை முன்னிட்டு மூலவர் விஸ்வகர்மா சித்தி விநாயகர் மற்றும் பரிவார தெய்வங்களான துர்க்கை அம்மன், பைரவர், விஸ்வகர்மா, காயத்ரி தேவி, தீர்த்த விநாயகர், பாலமுருகன், நவக்கிரகங்கள் உள்ளிட்ட சுவாமிகளுக்கு சிறப்பு அபிஷேகம் நடைபெற்றது. அதன் தொடர்ச்சியாக கோயிலில் பிரத்தியேகமாக அமைக்கப்பட்டுள்ள மேடையில் பல்வேறு கலசங்கள் வைக்கப்பட்டு மேளதாளங்கள் முழங்க ஆலயத்தின் சிவாச்சாரியார் மற்றும் தலைமை சிவாச்சாரர்கள் ஒன்று கூடி வேத மந்திரங்கள் கூறியபடி சிறப்பு யாகம் நடைபெற்று தொடர்ச்சியாக யாக வேள்விக்கு பூரணாகதியுடன் மகா தீபாராதனை நடைபெற்றது. அதைதொடர்ந்து யாகசாலையில் பூஜிக்கப்பட்ட புனித தீர்த்தத்தால் பாலாலய நிகழ்ச்சி சிறப்பாக நடைபெற்றது. பின்னர் பக்தர்கள் அனைவருக்கும் பிரசாதம் வழங்கப்பட்டது.