கரூர் கல்யாண பசுபதீஸ்வரர் ஆலயத்தில் நடைபெற இருக்கும், ஆடி மாத தெய்வத்திருமண விழாவையொட்டி நடைபெற்ற முகூர்த்த கால்நடும் விழாவில், ஏராளமான பக்தர்கள் கலந்துகொண்டு தரிசனம் செய்தனர்.
கரூர் கல்யாண பசுபதீஸ்வரர் ஆலயத்தில் ஸ்ரீமகா அபிஷேக குழுவின் வெள்ளி விழா ஆண்டு ஆடி தெய்வத் திருமண பெருவிழா வரும் 06-08-23 ஞாயிற்றுக்கிழமை நடைபெற உள்ளது.
இதையொட்டி, இன்று முகூர்த்த கால் நடும் விழா நடைபெற்றது. இதில் முகூர்த்தகால் எடுத்துக்கொண்டு ஏராளமான பெண்கள் மலர் தட்டு, முளைப்பாரி, முகூர்த்தப்பட்டு மற்றும் மங்கல பொருட்கள் ஏந்தியவாறு ஆலயத்தை வலம் வந்தனர். தொடர்ந்து மேளதாளம் முழங்க முகூர்த்த கால் நடப்பட்டது. இதில், ஏராளமான பக்தர்கள் கலந்து கொண்டனர்.
மகா அபிஷேக குழு தலைவர் பாலகிருஷ்ணன், செயலாளர் ஸ்காட் தங்கவேல், மற்றும் கரூர் மாவட்ட அறங்காவலர் குழுத் தலைவர் பால்ராஜ் உள்ளிட்ட முக்கியஸ்தர்கள் கலந்துகொண்டனர்.