கரூர் மாவட்டத்தில் 2024-ம்ஆண்டிற்கான வாக்காளர் இறுதிப்பட்டியலை அனைத்து கட்சி பிரதிநிதிகள் முன்னிலையில் மாவட்ட ஆட்சியர் தங்கவேல் வெளியிட்டார். மாவட்டத்தில் உள்ள அரவக்குறிச்சி,கரூர், கிருஷ்ணராயபுரம், குளித்தலை உள்ளிட்ட 4 சட்டமன்ற தொகுதிகளில் மொத்தம் 8 லட்சத்து 79ஆயிரத்து 164 வாக்காளர்கள் உள்ளனர். இவற்றில் கரூர் மாவட்டத்தில் மொத்தமாக ஆண் வாக்காளர்கள் 4,22,528 பேரும் ,பெண் வாக்காளர்கள் 4,56, 571 பேரும், இதர வாக்காளர்கள் 65 பேரும் ஆக மொத்தம் 8,79,164 பேர்கள் உள்ளனர்.
இறுதி வாக்காளர் பட்டியல் இன்று கரூர் மாவட்டத்தில் வெளியிடப்பட்டதை அடுத்து குளித்தலை வருவாய்
கோட்டாட்சியர் அலுவலகங்கள், உதவி வாக்காளர் பதிவு அலுவலர்கள், அரவக்குறிச்சி, கரூர், கிருஷ்ணராயபுரம், குளித்தலை, கடவூர்,புகழூர், மண்மங்கலம் வருவாய் வட்டாட்சியர் அலுவலகங்கள் உள்ளிட்ட அனைத்து வாக்குச் சாவடி மையங்களில் பொதுமக்கள் பார்வைக்காக வாக்காளர் பட்டியல் வைக்கப்பட்டுள்ளது.
வாக்காளர் பட்டியலில் புகைப்படத்துடன் கூடிய பதிவுகள் சரியாக இருப்பதை வாக்காளர்கள் உறுதி செய்துகொள்ளலாம். மேலும் வாக்காளர் படிவம் 6 பி யை வழங்கி தங்களது வாக்காளர் அடையாள அட்டையுடன் ஆதார் எண்ணையும் இணைத்துக் கொள்ளலாம் என தெரிவிக்கப்பட்டுள்ளது.