கரூர் மாவட்ட கிரிக்கெட் சங்கத்தின் 26 ஆம் ஆண்டு விழாவில் போட்டியில் வெற்றி பெற்ற வீரர்களுக்கு பரிசளிப்பு விழா நடைபெற்றது.
கரூர் மாவட்ட கிரிக்கெட் சங்கமும், தமிழ்நாடு கிரிக்கெட் சங்கமும் இணைந்து நடத்திய 25வது ஆண்டு வெள்ளி விழா மற்றும் 26 வது ஆண்டு தொடக்க விழா கொண்டாட்டம் கரூரில் நடந்தது. சென்னை சூப்பர் கிங்ஸ் கிரிக்கெட் அணியின் தலைமை நிர்வாக அலுவலர் விசுவநாதன் மற்றும் தமிழ்நாடு கிரிக்கெட் அசோசியேசன் உதவி செயலாளர் டாக்டர் பாபா ஆகியோர் தலைமையில் தாங்கி சிறப்பித்தனர்.
இந்த நிகழ்ச்சியில் கடந்த 2019-20ம் ஆண்டு,2021-22 ம் ஆண்டு, 2022-23 ம் ஆண்டு, 2023 24 ம் ஆண்டுகளில் நடைபெற்ற கிரிக்கெட் போட்டிகளில் வெற்றி பெற்ற வீரர்களுக்கு கோப்பைகளை வழங்கி வாழ்த்து தெரிவித்தனர்.
இந்த நிகழ்ச்சியில் கிரிக்கெட் வீரர்கள், ரசிகர்கள், பொதுமக்கள் என ஏராளமானோர் கலந்து கொண்டு விழாவை சிறப்பித்தனர்.