கர்நாடக சட்டசபைக்கு நேற்று ஒரே கட்டமாக தேர்தல் நடந்தது. 224 தொகுதிகளிலும் வாக்குப்பதிவு விறுவிறுப்பாக நடந்தது. திட்டமிட்டப்படி ஓட்டுப்பதிவு சரியாக காலை 7 மணிக்கு தொடங்கி மாலை வரை நடந்தது. மொத்தம் 1½ லட்சம் போலீசார் பாதுகாப்பு பணியில் ஈடுபடுத்தப்பட்டனர். இந்த தேர்தலில் 72.67% வாக்குகள் பதிவானது.தேர்தலுக்கு பிந்தைய கருத்துகணிப்பு முடிவுகள் வெளியிடப்பட்டுள்ளன. அதில் பல கணிப்புகள் தொங்கு சட்டசபை அமையும் என தெரிவித்துள்ளது. ஓட்டு எண்ணிக்கை வரும் 13ம் தேதி நடக்கிறது. அன்று மாலை கர்நாடகத்தில் ஆட்சி அமைப்பது யார் என தெரியவரும்.