தமிழ்நாடு சட்டப்பேரவை கூட்டம் வரும் 24ம் தேதி காலை 11 மணிக்கு கூடுகிறது. இந்த தகவலை பேரவைத் தலைவர் அப்பாவு இன்று அதிகாரப்பூர்வமாக அறிவித்தார். இந்த கூட்டத்தில் விளவங்கோடு புதிய எம்.எல்.ஏ. தாரகையும் பங்கேற்பார். கூட்டத்தொடர் எத்தனை நாட்கள் நடைபெறும் என்பதை அன்றைய தினம் அலுவல் ஆய்வு கூட்டத்தை நடத்தி சபாநாயகர் முடிவு செய்வார். கடந்த ஏப்ரல் மாதம் விக்கிரவாண்டி திமுக எம்.எல்.ஏ. புகழேந்தி காலமானார். அவரது மறைவுக்கு இரங்கல் தெரிவித்து முதல் நாள் கூட்டம் ஒத்திவைக்கப்படும். மறுநாள் முதல் கூட்டம் நடைபெறும்.
